Ողբերգական դեպք` «Զվարթնոց» օդանավակայանում. Մոսկվայից Երևան վերադարձած տղամարդը սպասասրահում հանկարծամահ է եղել
Ողբերգական դեպք` «Զվարթնոց» օդանավակայանում. Մոսկվայից Երևան վերադարձած տղամարդը սպասասրահում հանկարծամահ է եղել
Shamshyan.com-ի տեղեկություններով` քիչ առաջ ողբերգական դեպք է տեղի ունեցել «Զվարթնոց» միջազգային օդանավակայանում։
Ժամը 23։00-ի սահմաններում քաղաքացու ինքնազգացողությունը վատացել է և սպասասրահում հանկարծամահ է եղել։
Ինչպես հայտնում է ֆոտոլրագրող Գագիկ Շամշյանը, դեպքի վայր են ժամանել ՀՀ Ներքին գործերի նախարարության Ոստիկանության «Զվարթնոց» օդանավակայանի գծային բաժնի օպերատիվ խումբը` օրվա պատասխանատու հերթապահի գլխավորությամբ։
Տեղում են նաև ՀՀ ՆԳՆ Ոստիկանության Պարեկային ծառայության Երևան քաղաքի գնդի 3-րդ գումարտակի պարեկները` գումարտակի հրամանատար Գոռ Առաքելյանի ու նույն գումարտակի 2-րդ վաշտի հրամանատար Գեղամ Եփրեմյանի գլխավորությամբ։
Նշված վաշտի պարեկներ Էդգար Սարիբեկյանն ու Հունան Գզիրյանը սահմանազատել են տարածքը, որտեղ այս պահին աշխատում է Հայաստանի քննչական կոմիտեի Երևան քաղաքի քննչական վարչության «Զվարթնոց» գծային բաժնի քննչական խումբը։
Ոստիկանությունն ու քննչական բաժինը պարզում են մահացածի ինքնությունը։
Գ. Շամշյանի տեղեկություններով` մահացածը Երևանի բնակիչ 79-ամյա Վլադիկ Բարսեղյանն է։
