Ինչ է կատարվում մահացած զինծառայողի գյուղում
Շիրակի մարզի Հայրենյաց գյուղում շոկի մեջ են: Միակ տեղեկությունը, որ տալիս է պաշտոնական աղբյուրը՝ վարույթ է հարուցվել, հայտնի չէ անգամ, թե ի՞նչ հոդվածով:
Պայթյունից զոհված պայմանագրային զինծառայող Դմիտրի Կյուրեղյանը 23 տարեկան էր:
Նրա մահվան մասին Պաշտպանության նախարարությունը հայտնել էր հինգշաբթի կեսօրին:
Բայց մինչև հիմա էլ ոչ ռազմական գերատեսչությունը, ոչ էլ մահվան հանգամանքներն ուսումնասիրող Քննչական կոմիտեն չեն հստակեցրել՝ ի՞նչ պայթյուն է եղել, որտե՞ղ՝ զորամասո՞ւմ, թե դրանից դուրս, արդյոք զինվորը կյանքին վերջ է տվել նռնակի՞ միջոցով, ինչպես մամուլն է պնդում:
