Զարմանում եմ, ինչպե՞ս կարելի է այսքան ժամ ձերբակալված պահել սահմանը խախտած ադրբեջանցի զինվորին․ Մարկոս քահանա Մանգասարյան

Մարկոս քահանա Մանգասարյանը գրել է․ «Զարմանում եմ՝ ինչպե՞ս կարելի է այսքան ժամ ձերբակալված պահել սահմանը խախտած ադրբեջանցի զինվորին։

Հանուն խաղաղության, հանուն խաղաղության, պարոնայք, ազատ արձակեք նրան և ուղեկցող մեքենայով հետ ճանապարհեք տուն։ Ամոթ է, վերջապես, չէ՞ որ մենք խաղաղություն ենք ուզում։

Հ․Գ․ Այս գրառման տակ ընդունվում են տհաս և տկարամիտ մեկնաբանություններ, ինչպիսիք են, օրինակ՝

1. «Դու քո գործով զբաղվի, տերտեր ես, գնա քո գործին»,
   
2. «Բա Սերժի ու Ռոբի ժամանակ ինչի՞ չէիք խոսում»,
   
3. «Դու քաղաքականությամբ մի՛ զբաղվի»,
   
4. «Ոչինչ, հեսա Եկեղեցին կմաքրվի ձեր նմաններից», և այլն, և այսպես շարունակ։

Բայց մեկ է, ես պահանջում եմ, որ մեր դարավոր հարևան ժողովրդի պատվարժան ներկայացուցչին բաց թողնեն։

Դե հիմա, դեպք է, պատահել է։ Խաղաղության հաստատման ճանապարհին ինչեր ասես չեն լինում»։