51-ամյա տղամարդը տրակտորով «Կալդրմայի առու» կոչվող տարածքում գլորվել է ձորը, նա տեղում մահացել է․ մանրամասներ
51-ամյա տղամարդը տրակտորով «Կալդրմայի առու» կոչվող տարածքում գլորվել է ձորը, նա տեղում մահացել է․ մանրամասներ
Shamshyan.com-ը գրում է․ Հայաստանի քննչական կոմիտեի Սյունիքի մարզային քննչական վարչության Սիսիանի քննչական բաժնի ավագ քննիչ Գ. Թովմասյանի որոշմամբ ՀՀ քր.օր-ի 342 հոդվածի 2-րդ մասի հատկանիշներով նախաձեռնվել է քրեական վարույթ։
Ինչպես հայտնում է ֆոտոլրագրող Գագիկ Շամշյանը, այն նախաձեռնվել է երեկ՝ հուլիսի 16-ին, Սյունիքի մարզում տեղի ունեցած ողբերգական դեպքի փաստով։
Այդ օրը, ժամը 17։40-ի սահմաններում Սյունիքի մարզի բնակիչ՝ 51-ամյա Նորայր Ե-ն իրեն պատկանող և իր կողմից շահագործվող առանց համարանիշի «ՍՏԶ-82» մակնիշի տրակտորով Շաղատ գյուղի «Կալդրմայի առու» կոչվող տարածքում խոտ հնձելիս կորցրել է կառավարումը և մի քանի մետր գլորվելով՝ հայտնվել ձորում, որտեղ տեղում մահացել է։
Դեպքի վայր են ժամանել Արտակարգ իրավիճակների նախարարության Փրկարար ծառայության Սիսիանի հրշեջ փրկարարական ջոկատից 1 մարտական հաշվարկ։
Ժամանել են նաև ոստիկանության Սիսիանի բաժնի օպերատիվ խումբը՝ բաժնի պետ Դավիթ Պետրոսյանի գլխավորությամբ։
Ահազանգով ժամանել են նաև ճանապարհային ոստիկանության 2-րդ սպայական գումարտակի 6-րդ վաշտի 1-ին դասակի ծառայողները՝ վաշտի հրամանատար Վաչե Ալավերդյանի գլխավորությամբ:
