Վթարվել է հայտնի փաստաբանի թանկարժեք «Porsche Panamera»-ն
Այսօր՝ մայիսի 10-ին, ավտովթար է տեղի ունեցել Երևանում։ Ժամը 10։55-ի սահմաններում Թումանյան-Աբովյան փողոցների խաչմերուկում բախվել են «Porsche Panamera» և «Hyundai Sonata» մակնիշի ավտոմեքենաները։
Shamshyan.com-ի տեղեկությունների համաձայն, բարեբախտաբար, տուժածներ չկան։
Բախման հետևանքով «Porsche»-ը դուրս է եկել երթևեկելի գոտուց, անցել բազալտե եզրաքարի վրայով և հայտնվել հետիոտների համար նախատեսված մայթին։
Աղբյուրի տեղեկություններով՝ ավտոմեքենաներից մեկի վարորդը Հայաստանում հայտնի փաստաբան Դավիթ Թումասյանն է։
Վարորդները ենթարկվել են սթափության փորձաքննության, եղել են սթափ։
Երջանիկ պատահականությամբ, երբ բախման հետևանքով «Porsche»-ը հայտնվել է մայթին, հետիոտներ այնտեղ չեն եղել, հակառակ դեպքում տեղի կունենար վրաերթ։
