Կորոնավիրուսը սկսում է լրջորեն տարածվել աշխարհով
Արդեն կորոնավիրուսով վարակվել է շուրջ 15 հազար մարդ, նրանց մեծ մասը՝ Չինաստանում:
Կորոնավիրուսը գնալով տարածվում է նաև այլ երկրներում:
Մի շարք պետություններում արդեն պաշտոնապես հաստատվել է կորոնավիրուսի առկայությունը։
Ճապոնիա, Թաիլանդ, Մակաո, ԱՄՆ, Հոնկոնգ, Ավստրալիա, Սինգապուր, Հարավային Կորեա, Մալայզիա, Վիետնամ, Կանադա, Ֆրանսիա, Նեպալ, Կամբոջա, Գերմանիա, Շրի-Լանկա, ԱՄԷ, Ֆինլանդիա, Հնդկաստան, Ֆիլիպիններ, Իտալիա, Մեծ Բրիտանիա, Ֆինլանդիա, Ռուսաստան:
Հետազոտությունների արդյունքում հաստատվել է, որ վիրուսը փոխանցվում է մարդուց մարդու։
Նշենք, որ կորոնավիրուս առաջին անգամ հայտնաբերվել է 2019 թվականի դեկտեմբերին, Չինաստանի Ուհան քաղաքում՝ թոքաբորբի բռնկման հետևանքով։
Կորոնավիրուս խոցում է մարդկանց ու տնային կենդանիներին, ազդում է շնչառական համակարգի, աղեստամոքսային տրակտի, նյարդային համակարգի վրա։
Bavnews.am-ը զրուցեց Չինաստանում բնակվող մեր հայրենակցուհու հետ։ Փորձեցինք նրանից պարզել՝ Չինաստանում ինչ իրավիճակ է տիրում, կապված վերջին շրջանում այնտեղ բռնկված նոր մահացու կորոնավիրուսի հետ։
Նրա խոսքով առաջիկա 2 շաբաթների ընթացքում նոր թափ պիտի ստանա վիրուսը։
Նա փոխանցեց մեզ, որ գտել են մի դեղամիջոց և փորձարկել են, ասում են՝ էֆեկտիվ է, օգնել է մեկին»։
Հիշեցնենք, որ օրեր առաջ Երևանում գտնվող Չինաստանի քաղաքացիների մոտ կորոնավիրուսի առկայությունը հերքվել է։
