Մամուլ

Ինչ իրավիճակ է Խրամորթում և Փառուխում. մանրամասներ

Ինչ իրավիճակ է Խրամորթում և Փառուխում. մանրամասներ

ArmLur.am-ը գրում է․ Այս պահին ամեն ինչ նորմալ է, անհանգստանալու բան չկա: Իրավիճակն այս պահին լավ է: Ավելին ասել չեմ կարող: Այս մասին ArmLur.am-ի հետ զրույցում ասաց ԱՀ Ասկերանի շրջանի Խրամորթի համայնքապետ Զորիկ Աբրահամյանը:

«Փառուխից ոչինչ ասել չեմ կարող, գյուղապետն էլ գտնվում է դիրքերում»,-կարճ հավելեց նա:

Նշենք, որ մարտի 24-ին Ադրբեջանի ԶՈՒ ստորաբաժանումները, կոպտորեն խախտելով 2020թ. նոյեմբերի 10-ի եռակողմ հայտարարության պահանջները, ներխուժել են Արցախի Հանրապետությունում Ռուսաստանի Դաշնության խաղաղապահ զորակազմի պատասխանատվության գոտի, վերահսկողության տակ վերցնելով Ասկերանի շրջանի Փառուխ գյուղն ու հարակից դիրքերը, ապա փորձել առաջխաղացում ապահովել Արցախի Հանրապետության արևելյան սահմանագոտում:

sahman

Ռուսական խաղաղապահ զորակազմի և Արցախի համապատասխան մարմինների կողմից ժամեր տևած բանակցությունները էական արդյունքներ չեն տվել, և հակառակորդը չի վերադարձել ելման դիրքեր: Ավելին. ադրբեջանական ստորաբաժանումները մարտի 25-ի գիշերը կրակ են բացել ՊԲ ստորաբաժանումների վրա՝ կիրառելով ինչպես տարբեր տրամաչափի հրաձգային զինատեսակներ, այնպես էլ հարվածային ԱԹՍ:

Ծավալված փոխհրաձգության արդյունքում հակառակորդի կողմից զոհվել է առնվազն 5 զինծառայող: Հայկական կողմից կա մեկ վիրավոր։ Ժամը 09։00 դրությամբ իրադրությունը հարաբերականորեն կայուն է։ Ակնկալում ենք, որ ռուս խաղաղապահները միջոցներ կձեռնարկեն ադրբեջանական ստորաբաժանումներին ելման դիրքեր վերադարձնելու ուղղությամբ։

Կիսվել նյութով