Ադրբեջանցին նաև դանակով է հարվածել Անիին․ Շաքիի արյունալի միջադեպի նոր մանրամասները

Նոր մանրամասներ են հայտնի դարձել հոկտեմբերի 1-ին Շաքի ներխուժած ադրբեջանցու վնասազերծման մասին:

Սեփական տանը զինված զինվորին դիմադրություն ցույց տված Անի Ավետիսյանի քույրը «Հայլուր»-ին պատմել է, որ քրոջ ստացած վերքերը միայն հրազենային չեն:

Նա նաև հարված է ստացել զենքից, որի վրա սվին-դանակ է եղել:

Ավելի վաղ հայտնել էինք որ 2026 թվականի հոկտեմբերի 1-ին, ժամը 14:00-ի սահմաններում, Ադրբեջանի Հանրապետության քաղաքացի, զինծառայող Նասիմի Մուսաևը, ապօրինի մուտք էր գործել Սյունիքի մարզի Սիսիան համայնքի Շաքի բնակավայրի 6-րդ փողոցի 20-րդ տուն, հայտնաբերվելուց հետո զենքից արձակել կրակոցներ:

Կրակոցի հետևանքով վիրավորում էր ստացել 1987 թվականին ծնված Անի Ավետիսյանը:

Այնուհետև, Ադրբեջանի Հանրապետության քաղաքացին դիմել էր փախուստի: Ձեռնարկված միջոցառումների արդյունքում Նասիմի Մուսաևը հայտնաբերվել էր Շաքի բնակավայրի 6-րդ փողոցի 26-րդ հասցեում:

Շաքիում արձանագրված դեպքով քրեական օրենսգրքի 5 հոդվածներով նախաձեռնվել են քրեական վարույթներ, նա կալանավորվել է երկու ամսով։

Տեսանյութը ստորև․