2019 թվականին Մարությանների ընտանիքը ձեռք է բերել թվով 3 անշարժ գույք` բոլորը Չեխիայի Հանրապետությունում
2019 թվականին Մարությանների ընտանիքը ձեռք է բերել թվով 3 անշարժ գույք` բոլորը Չեխիայի Հանրապետությունում
Այս մասին ֆեյսբուքյան իր էջում գրել է Երևանի ավագանու «Լույս» խմբակցության անդամ Թեհմինա Վարդանյանը։
«Հայկ Մարությանի նոր ձեռքբերումները:
Կարծեցիք քաղաքային տնտեսության ձեռքբերումնե՞րը նկատի ունեմ: Իհարկե` ոչ: Վերջինիս համար, կարծես թե, դրա ժամանակը չի:
2019 թվականին Մարությանների ընտանիքը ձեռք է բերել թվով 3 անշարժ գույք` բոլորը Չեխիայի Հանրապետությունում:
Հայրենասիրական տենդով տառապող Մարությանը, իր քաղաքական թիմի հետ միասին, հադես է գալիս զանազան պաթոսային ելույթներով և սփյուռքի հայրենակիցներին մշտապես կոչ անում վերադառնալ և ապրել այլևս Նոր Հայաստանում, ներդրումներ անել ու զարկ տալ երկրի զարգացմանը: Բայց, արի ու տես, այս մարդն իր ապագան ամենևին չի կապում Հայաստանի ու Երևանի հետ:
Հիշեցնեմ, որ պաշտոնը ստանձնելու պահին Հայկ Մարությանը հայտարարագրել է թվով 21 անշարժ գույք, որից միայն 4-ն են Հայաստանում` Երևանում: Մնացած 17-ը ևս գտնվում են Չեխիայի Հանրապետությունում: Դրան գումարվեցին իր պաշտոնավարման ընթացքում նոր ձեռքբերված ևս երեքը արտասահմանյան անշարժ գույքի թիվը հասցնելով 20ի:
Դե, իհարկե, հասկանալի է դառնում, որ կառավարումը տապալելու արդյունքում, հավանաբար, բնակություն կհաստատեն այն երկրում որի հետ կապում են իրենց ապագան` Չեխիայի հանրապետությունում»:
