«Էդ բոլորով փախել եք, Հրայրին ասում եք՝ դու մնա՞». Էդմոն Մարուքյան (Տեսանյութ)
«Էդ բոլորով փախել եք, Հրայրին ասում եք՝ դու մնա՞». Էդմոն Մարուքյան
Այս մասին Հանրային հեռուստաընկերության եթերում ասել է ԱԺ «Լուսավոր Հայաստան» խմբակցության պատգամավոր Էդմոն Մարուքյանը:
«Հրայր Թովմասյանը սխալ թիրախ է: Իշխանությունն ի սկզբանե ընտրել է սխալ թիրախ, պետական ապարատի իր մեծ տանկով ընտրել է մի հատ ճնճղուկ և այդ տանկով սկսել է կրակել ճնճղուկի ուղղությամբ:
Արդյունքում՝ ճնճղուկը հերոսանում է: Այսօրվա դատական իրավիճակի հետ Հրայր Թովմասյանը կապ չունի։
Սահմանադրական հանրաքվեի միջոցով միավորել Սահմանադրական և Վճռաբեկ դատարանները՝ ստեղծելով մեկ բարձրագույն դատարան և թարմացնել այդ կառույցի կադրերին:
Բոլորը հրաժարական են տվել, փախել-գնացել են. իրենք չեն պայքարել իրենց աթոռների համար:
Բոլորով փախել են ու ասում են՝ Հրայր դու մնա, դու պայքարի՛ր Հրայր, պահի՛ր վերջին հանգրվանը, մենք քեզ հետ ենք:
Տղերք, լո՞ւրջ եք ասում, էդ բոլորով փախել եք, Հրայրին ասում եք դու մնա՞, ձե՞ռ եք առնում: Էս մյուս կողմն էլ իր աբսուրդի մեջ ա: Էս կողմին վերակենդանացնում ա գործող իշխանությունն՝ իր քայլերով»,- ասել է Էդմոն Մարուքյանը:
Տեսանյութը ստորև
