Քիմ Քարդաշյանը պատմել է հոր հետ ունեցած վերջին զրույցը

Ամերիկահայ հեռուստաաստղ Քիմ Քարդաշյանը կիսվել է իր հանգուցյալ հոր՝ Ռոբերտ Քարդաշյանի հետ ունեցած վերջին զրույցի հուզիչ մանրամասներով։

Քիմի խոսքով՝ հայրը մահվանից առաջ իրեն ասել է, որ վստահ է՝ նա լավ մարդ է դառնալու, և ինքը տեսնում է, թե ինչպիսին է լինելու դստեր ապագան։

Քիմը հիշել է, որ այդ ժամանակ հայրը խնդրել էր իրեն հոգ տանել ընտանիքի մյուս անդամների, հատկապես եղբոր՝ Ռոբի մասին։

Նա նաև պատմել է, որ հոր վերջին ժամերին շնորհակալություն է հայտնել նրան կյանքի ընթացքում ստացած բոլոր դասերի և աջակցության համար՝ խոստանալով այդ արժեքները փոխանցել իր երեխաներին։

Ռոբերտ Քարդաշյանը մահացել է 2003 թվականին՝ 59 տարեկանում, կերակրափողի քաղցկեղից։ Քիմն այդ ժամանակ ընդամենը 22 տարեկան էր։

Նրա խոսքով՝ հոր վերջին խոսքերն ու խորհուրդները մինչ օրս կարևոր տեղ ունեն իր կյանքում։