Եկեղեցում հոգեհանգստի ժամանակ քաղաքացուն uպանողը անմեղսունակ է ճանաչվել
Չարենցավանի եկեղեցում հոգեհանգստի ժամանակ քաղաքացու սպանության մեջ մեղադրվող անձը ճանաչվել է անմեղսունակ։ Քրեական վարույթով նախաքննությունն ավարտվել է, և գործն ուղարկվել է դատարան։
Արթուր Շահնազարյանին վերագրվում է, որ նա անմեղսունակության վիճակում կատարել է քրեական օրենսգրքով արգելված մի շարք արարքներ։
Ըստ մեղադրանքի՝ 2024 թվականի մայիսի 7-ին՝ ժամը 20:30-ի սահմաններում, իր բնակարանում նա դանակով վնասվածքներ է պատճառել փեսային՝ Արսեն Խաչատրյանին՝ պատճառելով առողջության թեթև վնաս։
Իսկ 2025 թվականի հոկտեմբերի 11-ին՝ ժամը 13:00-ի սահմաններում, Չարենցավանի «Սուրբ Փրկիչ» եկեղեցում, բազմաթիվ դանակահարություններով սպանել է Անդրանիկ Ղազարյանին։
Մասնավորապես, առաջին դեպքը տեղի է ունեցել Չարենցավանի 3-րդ թաղամասում գտնվող բնակարանում, որտեղ կենցաղային հարցերի շուրջ վիճաբանությունը վերածվել է ծեծկռտուքի։
Այդ ընթացքում Շահնազարյանը դանակով մի քանի հարված է հասցրել Արսեն Խաչատրյանին՝ պատճառելով ծակած-կտրած վերքեր և այլ վնասվածքներ, որոնք դասվում են որպես թեթև վնաս առողջությանը։
Երկրորդ դեպքը տեղի է ունեցել նույն քաղաքում՝ «Սուրբ Փրկիչ» եկեղեցում, հուղարկավորության արարողության ժամանակ։ Ըստ նյութերի՝ Շահնազարյանը, չպարզված դրդապատճառով, թիկունքից մոտեցել է Անդրանիկ Ղազարյանին և ծալովի դանակով բազմաթիվ հարվածներ հասցրել նրան։
Վերջինս մահացել է հիվանդանոց տեղափոխվելու ճանապարհին։
Տեսանյութը ստորև․
