Ջեյխուն Բայրամովը հայտարարել է «նպատակների» մասին, որոնց ձգտում են հասնել Ադրբեջանն ու Թուրքիան
Ջեյխուն Բայրամովը հայտարարել է «նպատակների» մասին, որոնց ձգտում են հասնել Ադրբեջանն ու Թուրքիան
Թուրքիան եւ Ադրբեջանը դեռ շատ նպատակներ ունեն։ Այս մասին հայտարարել է Ադրբեջանի արտգործնախարար Ջեյխուն Բայրամովն Անկարայում դեսպանների 13-րդ համաժողովին ունեցած ելույթի ժամանակ, փոխանցում են ադրբեջանական ԶԼՄ-ները։
«Մեր հարաբերություններում մենք արդեն հասել ենք տարբեր միջազգային հարթակներում թուրք դիվանագետների կողմից Ադրբեջանի շահերի պաշտպանության եւ առաջխաղացման մակարդակին, ադրբեջանցի դիվանագետների կողմից՝ Թուրքիայի շահերը՝ որպես պետական շահերի…
Մեր հարաբերությունները ռազմավարական դաշինքի մակարդակի են հասել»,- ԶԼՄ-ները մեջբերում են Ադրբեջանի արտգործնախարարի խոսքերը։
Նշենք նաև, որ թուրքական CNNturk–ի փոխանցմամբ՝ Թուրքիայի նախագահ Ռեջեփ Թայիփ Էրդողանը հայտարարել է, թե Հայաստանի վարչապետ Նիկոլ Փաշինյանի հետ կառուցողական հեռախոսազրույց է ունեցել։
Ըստ Թուրքիայի նախագահի՝ ձեռք բերված համաձայնություններով Հարավային Կովկասում նոր ժամանակաշրջան է սկսվել, իրենք էլ մեծ ջանք են գործադրում, որ այդ պատմական հնարավորությունը չկորսվի:
