Որոնք են թրոմբի առաջացման ախտանիշները
Որոնք են թրոմբի առաջացման ախտանիշները
Որոշ խնդիրներ կարող են թրոմբների առաջացման վաղ ախտանիշներ լինել, պնդում են երոպական գործակալության մասնագետները: Թրոմբը արյան խտացած զանգվածներն են, որոնք առաջանում են արյունատար անոթներում և հանգեցնում են դրանց մասնակի կամ ամբողջական խցանման։ Այլ կերպ ասած՝ արյան մակարդումն է արյունատար անոթի ներսում, ինչը կոչվում է թրոմբոզ։
Մասնագետների կարծիքով` թրոմբի տագնապալի ախտանիշներ կարող են լինել հևոցը, կրծքավանդակի ցավը, որովայնի երկարատև ցավը, վերջույթների այտուցվածությունը, ուժեղ և երկարատև գլխացավերը, ինչպես նաև` տեսողության պղտորումը:
Որոնք են թրոմբի առաջացման հիմնական պատճառը արյան մակարդելիության համակարգի աշխատանքի խանգարումն է։ Արյունատար անոթի ներքին մակերևույթի վնասվածքները դրա առաջանցման համար ամենահարմար պայմաններն են։
Մարդու օրգանիզմում թրոմբների առկայությունը նման է «դանդաղ գործող ռումբի», որն ամեն վայրկյան կարող է պայթել։ Գոյություն ունի մի քանի տասնյակ պատճառ, որոնցով կարող է պայմանավորված լինել թրոմբի՝ անոթի պատից պոկվելը։ Ձեզ ենք ներկայացնում դրանցից ամենահավանականները։
Առաջին պատճառը արյունատար անոթի մասնակի խցանումն է։ Այս դեպքում արյան խիտ զանգվածը բավական կայուն չէ և կարող է ամեն վայրկյան պոկվել արյան հոսքի հետևանքով։
Երկրորդ հավանական պատճառը օրգանիզմում արյան հոսքի արագացումն է։ Երբեմն արյան հոսքը կարող է այնքան ինտենսիվ լինել, որ հնարավոր է անջանտվի նույնիսկ ամենակայուն թրոմբը։
Անջատվելուց հետո թրոմբը կարող է տեղաշարժվել կամ ամբողջական վիճակում, կամ մասնատված, ինչը կհանգեցնի միևնույն ժամանակ տարբեր չափերի մի քանի անոթի խցանման։
Խոշոր զարկերակների խցանումը կարող է հանգեցնել վայրկենական մահվան։
Եթե նկատել եք թվարկված ախտանիշներից որեւէ մեկը, խորհուրդ է տրվում դիմել բժշկի: