Մեղրիում կորոնավիրուսով վարակվածը մարտի 10-ին էր վերադարձել Իտալիայից, նա տանը մեկուսացված է եղել
Մեղրիում կորոնավիրուսով վարակվածը մարտի 10-ին էր վերադարձել Իտալիայից, նա տանը մեկուսացված է եղել
Կորոնավիրուսով ախտորոշված՝ Մեղրիի քաղաքացին մարտի 10-ին է վերադարձել Իտալիայից: Այս մասին NEWS.am-ին հայտնեց Սյունիքի մարզպետարանի գլխավոր քարտուղար Էդգար Մարտիրոսյանը:
«Որպես տուրիստ է գտնվել Իտալիայում, իսկ գալու օրվանից տանը մեկուսացված է եղել:
Տաքություն է ունեցել, «Շտապօգնություն» կանչել, դիմել Մեղրիի հիվանդանոց, մեկուսացրել են ինֆեկցիոն բաժանմունքում, թեստ արել»,- ասաց նա՝ նշելով, որ տղամարդու ընտանիքն է միայն մեկուսացված սեփական տանը, քանի որ վերադարձից հետո տղամարդը միայն նրանց հետ է շփվել: