Կոտրել են Հիսուս Քրիստոսի արձանը

Իսրայելի արտաքին գործերի նախարար Գիդեոն Սաարը կտրուկ է արձագանքել այն հաղորդագրություններին, ըստ որոնց իսրայելցի զինվորը կոտրել է Հիսուս Քրիստոսի արձանը Լիբանանի հարավում՝ այդ գործողությունը անվանելով «ամոթալի» և հրեական պետության արժեքներին հակասող։

Ավելի վաղ լիբանանյան Lebanon Debate լրատվական կայքը հաղորդել էր, որ Լիբանանի հարավում գտնվող Դիբել բնակավայրում իսրայելցի զինվորը կոտրել է Հիսուս Քրիստոսի արձանը։

Միջադեպը ֆիքսվել է սոցիալական ցանցերում տեղադրված լուսանկարում։ Իսրայելի պաշտպանության ուժերը (IDF) հաստատել են լուսանկարի իսկությունը և հայտարարել, որ հետաքննություն է ընթանում։

«Ես վստահ եմ, որ այս նողկալի արարքի համար պատասխանատուների նկատմամբ կձեռնարկվեն անհրաժեշտ խիստ միջոցներ։

Այս ամոթալի արարքը լիովին հակասում է մեր արժեքներին։ Իսրայելը մի երկիր է, որը հարգում է տարբեր կրոններն ու դրանց սրբազան խորհրդանիշները, և հանդուրժողականություն և հարգանք է դրսևորում հավատքների նկատմամաբ»,- X-ում գրել է Սաարը։