Կինը ծննդաբերել է զուգարանում, ապա նորածնին նետել լուսամուտից

Հնդկաստանի Քերալա նահանգում ցնցող դեպք է տեղի ունեցել․ երիտասարդ կինը ծննդաբերել է հիվանդանոցի զուգարանում և նորածնին դուրս նետել լուսամուտից։

Դեպքի մասին հայտնել է The Times of India-ն։

Հիվանդանոց էր դիմել 19-ամյա մի աղջիկ՝ որովայնային ցավերի գանգատով, սակայն նա հրաժարվել էր գինեկոլոգիական զննությունից և դուրս եկել սենյակից։

Որոշ ժամանակ անց բժիշկները երեխայի թույլ լացի ձայն են լսել և սկսել որոնումները։

Նորածնին հայտնաբերել են հիվանդանոցի լուսամուտի տակ՝ թափառող շների մոտ։

Բժիշկների նախնական վարկածով՝ երեխային լույս աշխարհ բերած աղջիկն է նրան նետել լուսամուտից։

Բարեբախտաբար, նորածնին հաջողվել է փրկել, իսկ այժմ մայրն ու երեխան տեղափոխվել են մանկական բուժկենտրոն։