Բաքվից նոր տեղեկություններ Արայիկ Հարությունյանի մասին

Բաքվի վերաքննիչ դատարանում այսօր քննարկվել են հայ գերիների կողմից ներկայացված բողոքները՝ նրանց նկատմամբ կայացված դատավճիռների վերաբերյալ։

Արցախի նախկին նախագահ Արայիկ Հարությունյանի պաշտպանը միջնորդել է նրան ճանաչել անմեղ։

Արցախի ռազմաքաղաքական ղեկավարության ներկայացուցիչներին տրամադրվել են փաստաթղթերի թարգմանությունները, որոնց մի մասը նրանք պահանջել էին նախորդ նիստի ժամանակ։

Բոլոր փաստաբանները՝ բացառությամբ Արայիկ Հարությունյանի պաշտպանի, որը խնդրել է իր պաշտպանյալին արդարացնել, դատարանից պահանջել են հետաձգել նիստը՝ ելույթներին նախապատրաստվելու նպատակով։

Վերաքննիչ դատարանի հաջորդ նիստը նշանակվել է հունիսի 16-ին։