Կարող են լսվել պայթյունանման ձայներ․ ՊՆ

ՀՀ պաշտպանության նախարարությունը հայտարարություն է տարածել՝ տեղեկացնելով, որ հոկտեմբերի 1-ին՝ ժամը 10:00-11:00-ն ընկած ժամանակահատվածում, ՀՀ ԶՈՒ ավիացիոն ստորաբաժանումները իրականացնելու են ուսումնամարզական թռիչքներ։

Թռիչքների ընթացքում ձայնի արագությունը գերազանցելու հետևանքով Գյումրիում, Թալինում և Արթիկում կարող են լսվել պայթյունանման ձայներ։

Նման ձայներ կարող են լսվել նաև նշված բնակավայրերին հարակից հատվածներում։

ՊՆ-ն բնակիչներին խնդրում է տեղեկությունն ընդունել ի գիտություն։