Արտակարգ դեպք Շիրակի մարզում․ ավտոտնակում կայանված Lexus-ում հրդեհ է բռնկվել
Արտակարգ դեպք Շիրակի մարզում․ ավտոտնակում կայանված Lexus-ում հրդեհ է բռնկվել
Shamshyan.com-ը գրում է․ Այսօր, հուլիսի 15-ին, արտակարգ դեպք է տեղի ունեցել Շիրակի մարզում։
Ժամը 10։10-ի սահմաններում Արտակարգ իրավիճակների նախարարության փրկարար ծառայության 911 ճգնաժամային կառավարման կենտրոն ահազանգ է ստացվել, որ հրդեհ է բռնկվել Գյումրի քաղաքի Մովսես Խորենացի 28 շենքի բակում գտնվող ավտոտնակներից մեկում։
Ինչպես հայտնում է ֆոտոլրագրող Գագիկ Շամշյանը, օպերատիվորեն ժամանել են ԱԻՆ ՓԾ Գյումրու թիվ 48/1 հրշեջ-փրկարարական ջոկատից 2 մարտական հաշվարկ։ Օպերատիվորեն ժամանել են նաև ՀՀ ոստիկանության Պարեկային ծառայության Շիրակի պարեկային գումարտակի ծառայողները՝ գումարտակի հրամանատար Կարեն Կյուրեղյանի գլխավորությամբ։
Վերջինիս հանձնարարականով՝ պարեկները սահմանազատել են տարածքը, որպեսզի հրշեջ-փրկարարները կարողանան առանց խոչընդոտի աշխատեն։ Հրշեջ-փրկարարները նախ կանխել են կրակի տարածումը, ապա մարել այն։
Մինչ հրշեջների ժամանումն էլ, քաղաքացիներն իրենց ուժերով են պայքարել կրակի տարածման դեմ։ Պարզվել է, որ այրվել է Գյումրու բնակիչ 63-ամյա Մեխակ Ներսիսյանին պատկանող Lexus մակնիշի ավտոմեքենայի ձախակողմյան հատվածը մասամբ, ավտոտնակի առաստաղի փայտյա երեսապատումը։
Թե ինչն է եղել հրդեհի պատճառը՝ պարզվում է։ Օպերատիվորեն ժամանել են նաև ոստիկանության Շիրակի մարզային վարչության օպերատիվ խումբը։
