Սևանում էնտուզիազմով ու կրքով Փաշինյանին պաշտպանողը արդարադատության փոխնախարարի հայրն է. «Փաստ»
Սևանում էնտուզիազմով ու կրքով Փաշինյանին պաշտպանողը արդարադատության փոխնախարարի հայրն է
«Փաստ» օրաթերթը գրում է. «Իշխանություններն սկսել են ավելի ու ավելի հաճախ կազմակերպել ցուցադրական շոուներ, որպեսզի ցույց տան, թե հանրության մեջ կան մարդիկ, որոնք պատրաստ են քվե տալ իրենց: Օրինակ՝ վերջերս իշխանական լրատվամիջոցներից մեկում հրապարակվել էր մի տեսանյութ, ուր իբր պատահական քաղաքացիները Սեւան քաղաքում կարծիք էին հայտնում:
Մասնավորաբար, Սեւանի շուկայում մի մարդ այնպիսի պաթոսով, էնտուզիազմով ու կրքով էր պաշտպանում Նիկոլ Փաշինյանին ու քննադատում նախկիններին, որ կասկածի տեղիք տվեց: Մենք փորձեցինք Սևանում հարցուփորձ անել, եւ պարզվեց, որ այդ մարդը Աղվան Գրիգորյանն է, որը, մեր աղբյուրի փոխանցմամբ, ամենեւին էլ պատահական անցորդ չէր, այլ Սեւանի քաղաքային շուկայի տնօրենը:
Ավելին, նա արդարադատության նախարարի առաջին տեղակալ Քրիստիննե Գրիգորյանի հայրն է:
Սեւանում մեր թղթակցին նաեւ ասել են, որ այս հարցման «անթերիությունը» ապահովել է հենց Աղվան Գրիգորյանը՝ նկարահանման հրավիրելով շուկայի աշխատակիցներին ու իր ծանոթներին, որպեսզի ինտենսիվ գովաբանեն Նիկոլ Փաշինյանին ու քննադատեն «նախկիններին»:
