2-ամյա երեխան ընկել է 9-րդ հարկի պատուհանից

Ռուսաստանի Ուֆա քաղաքում քննիչները պարզում են 9-րդ հարկի պատուհանից երեխայի ընկնելու և մահվան հանգամանքները։

Դեպքը տեղի է ունեցել սեպտեմբերի 28-ի երկրորդ կեսին․ 1 տարեկան 9 ամսական տղան ընկել է բազմաբնակարան շենքի 9-րդ հարկում գտնվող բնակարանի պատուհանից։

Ստացած ծանր վնասվածքների հետևանքով երեխան մահացել է շտապօգնության մեքենայում։

Քննչական մարմինն արդեն զննել է դեպքի վայրը, նշանակել դատաբժշկական փորձաքննություն և հարցաքննում է ընտանիքի անդամներին ու ականատեսներին՝ միաժամանակ հորդորելով ծնողներին երեխաներին չթողնել բաց պատուհաններով սենյակներում։

Պատուհաններին տեղադրել հատուկ փականներ և հեռացնել դրանց մոտ գտնվող կահույքը, քանի որ մոծակների ցանցերը չեն պաշտպանում ընկնելուց։