Փրկարարները հայտնաբերեցին որպես անհետ կորած որոնվող կնոջ մարմինը

Երեկ՝ սեպտեմբերի 11-ին, առեղծվածային մահվան դեպք է տեղի ունեցել Արմավիրի մարզում։ Ժամը 21։20-ի սահմաններում ՀՀ Ներքին գործերի նախարարության Փրկարար ծառայության Արմավիրի մարզային փրկարարական վարչության օպերատիվ կառավարման կենտրոն տեղեկություններ են ստացվել, որ Արևիկ գյուղի լճերում դի կա։

Դեպքի վայր են ժամանել նաև ՀՀ ՆԳՆ տարածքային բաժնի համայնքային ոստիկանները։ Փրկարարները դուրս են բերել մարմինը։

Դեպքի մասին տեղեկությունը փոխանցվել է ՀՀ Քննչական կոմիտեի Արմավիրի մարզային քննչական վարչություն, որտեղից ժամանել է քննչական խումբը՝ օրվա պատասխանատու հերթապահ քննիչի գլխավորությամբ։

Դեպքի փաստով քննչական վարչությունում նախաձեռնվել է քրեական վարույթ, որտեղ էլ պարզվում է մահացածի ինքնությունը։

Shamshyan.com-ի տեղեկություններով՝ մահացածը որպես անհետ կորած որոնվում էր։