Ազատ խոսք

«Որ ձեզ արական սեռի ծննդական են տվել՝ հանկարծ լուրջ չընդունեք». Նաիրա Զոհրաբյան

«Որ ձեզ արական սեռի ծննդական են տվել՝ հանկարծ լուրջ չընդունեք». – այս մասին իր ֆեյսբուքյան էջում գրել է ԲՀԿ ԱԺ պատգամավոր Նաիրա Զոհրաբյանը։

«Որ ձեզ արական սեռի ծննդական են տվել՝ հանկարծ լուրջ չընդունեք

Շուկշինը մի լավ պատմվածք ուներ՝ երբ բարոյալքման անդունդին հասածը սկսում է հաճույք ստանալ սեփական ոչնչությունից։ Քանի օր է ֆեյքախառն մասսան փորձում է ծամել Արփինե Հովհաննիսյանին։ Ու, ժանրի կանոններին համաձայն, նաեւ «տղամարդիկ»։

Բնականաբար, «տղամարդ» բառը դրեցի չակերտների մեջ, որովհետեւ կնոջ ներկայացրած քաղաքական փաստարկներին հայհոյանքով պատասխանողը տղամարդ չի։

Չգիտեմ ինչ է՝ փալաս, Էդիպի կոմպլեքսի զոհ, գուցե անոնիմ ոչնչությունների կլուբի անդամ, բայց ոչ տղամարդ։

Հա, ի դեպ, նրանք, ովքեր իրենց կոմպլեքսները փորձում են սուբլիմացնել կին գործիչներին վիրավորելով, հանկարծ չխաբնվեն, որ ծննդատանը իրենց արական սեռի ծննդական են տվել։

Դա զուտ անհաջող պատահականություն է եղել։

Դե, տղամարդկությունն էլ հո մանդատ չի, որ Կենտրոնական Ընտրական հանձնաժողովը, կամ գրանտատու որեւէ օֆիս տպի ու տա։

Էս ի՞նչ զզվելի եք դուք»։

Կիսվել նյութով