Ձերբակալվել է Ադրբեջանի ազգային հերոս, գեներալ-լեյտենանտ Ռովշան Աքբարովը
Ձերբակալվել է Ադրբեջանի ազգային հերոս, գեներալ-լեյտենանտ Ռովշան Աքբարովը
Ադրբեջանի գլխավոր դատախազությունը մեկնաբանել է պահեստազորի գեներալ-լեյտենանտ Ռովշան Աքբարովի ձերբակալման մասին լուրը:
Գերատեսչության մամուլի ծառայությունում հայտարարել են, որ Աքբարովի կալանավորման մասին հաղորդագրությունները, որոնք ավելի վաղ տարածվել են ԶԼՄ-ներում, համապատասխանում են իրականությանը:
Նշվում է, որ հետագայում ավելի մանրամասն տեղեկատվություն կտրամադրվի:
Հիշեցնենք, որ մամուլում ավելի վաղ տեղեկություններ էին հայտնվել Աքբարովի ձերբակալության և նրա նկատմամբ որպես խափանման միջոց 4 ամիս ժամկետով կալանավորում ընտրելու մասին:
Հաղորդվում է, որ աշխատանքից ազատված գեներալը մեղադրվում է դիտավորյալ սպանության մեջ։ Ըստ տեղեկությունների՝ հանցագործությունը կատարվել է 19 տարի առաջ Կիևում։ Ռովշան Աքբարովը սպանել է գործարար Էլչին Ալիևին՝ սրտի շրջանում դանակի հարվածներ հասցնելով։