Հայաստանում արգելափակվել է TikTok սոցիալական ցանցը
Հայաստանում արգելափակվել է TikTok սոցիալական ցանցը
Սոցցանցերի հայկական տիրույթում տեղեկություն էր տարածվել, թե TikTok սոցիալական ցանցը Հայաստանում արգելափակվել է։
Հաշվի առնելով, որ TikTok-ը որոշ օգտատերի համար շարունակում է բաց և հասանելի մնալ, FIP.am-ը փորձեց պարզաբանում խնդրել տեղեկատվական անվտանգության փորձագետ Սամվել Մարտիրոսյանից։ Նա հաստատեց, որ սոցիալական ցանցն այսօր մոտավորապես ժամը 13:00-ից գործում է որոշ սահմանափակումներով։
«ՀՀ-ում չկա օրենք սոցցանցերի սահմանափակումների մասին, և այդ ամենն արվում է ներքին կարգով։ Հստակ գործառույթ չկա, և հավանաբար դա տեղի է ունենում պետության խնդրանք-հորդորով», – ասաց նա։
Մարտիրոսյանի խոսքով՝ ենթադրելի է, որ սահմանափակումներն արվում են հին վիդեոներով ապատեղեկատվությունների կանխման և մի շարք այլ անվտանգության նկատառումներից ելնելով։
