Արշակունյաց պողոտայի բնակարաններից մեկում հրդեհ է բռնկվել․ հայտնաբերվել է այրված դի
Արշակունյաց պողոտայի բնակարաններից մեկում հրդեհ է բռնկվել․ հայտնաբերվել է այրված դի
Հայաստանի ԱԻՆ-ում, այսօր՝ հունվարի 31-ին, ժամը 04:06-ին 911 ահազանգման կենտրոն ահազանգ է ստացվել, որ հրդեհ է բռնկվել Երեւանի Արշակունյաց պողոտայի թիվ 135 գ շենքի 2-րդ հարկի բնակարաններից մեկում:
Դեպքի վայր է մեկնել ԱԻՆ ՓԾ Երեւան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ:
Հրդեհը մեկուսացվել է ժամը 04:22-ին, մարվել՝ 04:49-ին:
Ամբողջությամբ այրվել է պատշգամբը՝ գույքով (12 քմ), մասամբ ջերմահարվել են լոգասենյակի կախովի առաստաղը (մոտ 5 քմ) եւ խոհանոցի գույքը: Պատշգամբում հայտնաբերվել է Վլադիմիր Մ.-ի (ծնված 1932 թ.) այրված դին:
