Տեսախցիկները ֆիքսել են երկու քույրերի՝ դեպի գետը գնալը

Ինչպես արդեն հայտնել էինք երեկ՝ հունիսի 15-ին առեղծվածային դեպք է տեղի ունեցել Լոռու մարզում։

Ժամը 14:15-ի սահմաններում ՀՀ Ներքին գործերի նախարարության Փրկարար ծառայության Լոռու մարզային փրկարարական վարչություն ահազանգ է ստացվել քաղաքացիներից, որ Վանաձոր քաղաքի Առափնյա փողոցի 3-րդ հատվածում երեխան ընկել է Փամբակ գետը։

Ահազանգից հետո պարզվել է, որ երեխան եղել է իր քրոջ հետ։

Այսօր հայտնի են դարձել նաև նոր տվյալներ․ երեխաները ֆիքսվել են շենքի մոտ տեղադրված տեսախցիկներով, որտեղ երևում է նրանց շարժը դեպի գետի կողմը։

Մինչ այս պահը երեխաները դեռ չեն գտնվել, իսկ փրկարարական աշխատանքները շարունակվում են գետի ամբողջ երկայնքով։

Տեսանյութը ստորև․