Հալեպում հայուհուն սպանողը ամուսնու աշխատակիցն է եղել. նոր մանրամասներ
Հալեպում Մարալ Խշվաճյանի բնակարանը թալանած և վերջինիս սպանած անձը հայտնաբերվել է: Այս մասին գրում է «Արևելք»-ը։
Խոսքը վերաբերում է հալեպահայ ուսուցչուհի և նվիրված մայր Մարալ Խշուաճյանի սպանությանը, որը տեղի էր ունեցել Շեյխ Թահա շրջանում գտնվող հանգուցյալի բնակարանում։
«Արևելք»-ի Հալեպի աղբյուրի համաձայն՝ հանցագործը եղել է հանգուցյալի ամուսնու աշխատակիցներից մեկը, որը երկար տարիներ աշխատել է նրանց մոտ։
Մեղադրյալը եղել է ընտանիքի մտերիմը, իսկ հանգուցյալի ամուսինը՝ Գրիգոր Խշուաճյանը, տարբեր առիթներով մեծ աջակցություն էր ցուցաբերել նրան։
Ներկայումս շարունակվում է նախաքննությունը, և այս ծանր սպանության գործը հանձնված է իրավապահ մարմիններին՝ գտնվելով նրանց ուշադրության կենտրոնում։
