Հայտնի է՝ ինչպես են Իսրայելն ու Ամերիկան սպանել Ալի Խամենեիին

Իսրայելի «Մոսսադ» հետախուզական ծառայությունը հետևել է Իրանի գերագույն առաջնորդ այաթոլլա Ալի Խամենեիին և նրա թիկնապահներին Թեհրանում երթևեկության «կոտրված» տեսախցիկների միջոցով, գրել է «Daily Mail»-ը։

Իսրայելի հետախուզական գործակալությունները տարիներ շարունակ «կոտրել են» դրանք և, ի վերջո, հասանելիություն են ստացել քաղաքի գրեթե բոլոր հսկողության սարքերին: Տեսախցիկներից ստացված պատկերները փոխանցվել են Թել Ավիվ:

Թերթը նշել է, որ տեսախցիկներից մեկի անկյունից երևում է, թե որտեղ են այաթոլլայի պահնորդները կայանել իրենց անձնական մեքենաները, երբ ժամանել են նրա՝ Թեհրանում նստավայր:

Հաղորդագրության համաձայն՝ «Մոսսադի» գործակալները կոտրել են Թեհրանի ճանապարհային երթևեկության տեսախցիկների ցանցը՝ այաթոլլա Ալի Խամենեիին, նրա թիկնապահներին և Իրանի այլ բարձրաստիճան պաշտոնյաներին լրտեսելու համար՝ նրա սպանությունից տարիներ առաջ։

Հարձակումները տարիներ տևած հետախուզական արշավի մի մասն են եղել, որը, ի վերջո, հանգեցրել է Խամենեիի սպանությանը շաբաթ օրը, այն բանից հետո, երբ Իսրայելի ռազմական բազաներից ժամերով ուղիղ թռչող ինքնաթիռները մինչև 30 ճշգրիտ զինամթերք են արձակել նրա համալիրի վրա։

Գերագույն առաջնորդի մարմինը հայտնաբերվել է փլատակների մեջ՝ վարչակարգը տապալելուն ուղղված ցերեկային ռմբակոծությունից հետո։