Խունկ, աղոթք և խոնարհում նրա վառ հիշատակին. Մհեր Արմենիան կադրեր է հրապարակել Ռիտա Սարգսյանի շիրիմից

Երգիչ Մհեր Արմենիան ֆեյսբուքյան իր էջում լուսանկար և տեսանյութ է հրապարակել՝ կից գրելով.

«2020 թվականի նոյեմբերի 20-ին կյանքից անժամանակ հեռացավ ՀՀ 3-րդ Նախագահ Սերժ Սարգսյանի տիկինը՝ Ռիտա Սարգսյանը։

Խունկ, աղոթք և խոնարհում նրա վառ և պայծառ հիշատակին։ Նրա կատարած բարի գործերը անջնջելի են և երբեք չեն մոռացվի։

Տիկին Ռիտան մեծագույն դեր է ունեցել բազմաթիվ հայ մանուկների կյանքի փրկության և զինհաշմանդամների առողջության վերականգնման գործում։

Հիշատակն արդարոց օրհնությամբ եղիցի»։