Կյանքից հեռացել է բանաստեղծուհի Նոնա Պողոսյանը
Այսօր կյանքից հեռացել է բանաստեղծուհի Նոնա Պողոսյանը։ Այս մասին Bavnews.am-ը տեղեկանում է Հայաստանի գրողների միությունից։
«Մեծ ցավով տեղեկացնում ենք, որ այսօր կյանքից հեռացել է բանաստեղծուհի Նոնա Պողոսյանը։
ՀԳՄ վարչությունը ցավակցում է գրողի ընտանիքին, հարազատներին, ընթերցողներին…
Նոնա Պողոսյանի հոգեհանգիստը տեղի կունենա դեկտեմբերի 16-ին՝ ժամը 17։20-ից, «Լյուար» սգո սրահում(Շահումյանի գերեզմանատան ճանապարհին):
Հրաժեշտը՝ նույն սրահից, դեկտեմբերի 17-ին՝ ժամը 13։00-ին»։
Նոնա Պողոսյանը ծնվել է 1962 թվականի մարտի 6-ին, Շիրակի մարզի Սառնաղբյուր գյուղում։ 1969 թվականից տեղափոխվել է բնակության Արագածոտնի մարզի Պռոշյան ավան։ 1996 թվականից ապրում էր Երևանում։
2007 թվականից Հայաստանի գրողների միության անդամ է։
1993 թվականից ծառայել է ՀՀ պաշտպանության նախարարությունում, Հայաստանի զինված ուժերի պահեստազորի փոխգնդապետ է։
