«Աղջիկ փախցնելն» ավարտվել է ողբերգությամբ
«Աղջիկ փախցնելն» ավարտվել է ողբերգությամբ
Վրաստանի Մառնեուլիի շրջանում «աղջիկ փախցնելն» ավարտվել է ողբերգությամբ։ Դեպքը տեղի է ունեցել Ալգեթի գյուղում։ Ըստ հրապարակման, մի քանի տղաներ փորձել են փախցնել 23 տարեկան մի աղջկա, ով մոր հետ վերադառնալիս է եղել տուն։
Նրանք ցանկացել են բռնի կերպով աղջկան նստեցնել մեքենա, սակայն աղջկա ընտանիքի անդամները դիմադրություն են ցույց տվել։
«Աղջիկ փախցնողներից» մի մասը մեքենայով երբ փորձել են դիմել փախուստի, արագությամբ ընթանալիս, վրաերթի են ենթարկել աղջկա տատիկին, ով մահացել է տեղում։ Աղջկա մայրը եւ հարեւանուհին նույնպես վնասվածքներ են ստացել։
Դեպքի առնչությամբ ստուգումներ է սկսել տեղի ոստիկանությունը։ «Աղջիկ փախցնելու» մեջ կասկածվողները ձերբակալվել են Ռուսթավի քաղաքում։
