Կոտայքի մարզում 25 տոննա կշռով ապառաժ քարերը թափվել և վնասել են Նուռնուս գյուղը սնուցող գազատար խողովակները
Կոտայքի մարզում 25 տոննա կշռով ապառաժ քարերը թափվել և վնասել են Նուռնուս գյուղը սնուցող գազատար խողովակները
Shamshyan.com-ի փոխանցմամբ՝ արդեն 4 ժամից ավելի է, «Գազպրոմ Արմենիա» Աբովյանի ԳԳՄ գազամատակարարման ռեժիմի և վթարավերականգնողական ծառայության աշխատակիցները՝ ծառայության պետ Գևորգ Սաֆարյանի գլխավորությամբ և Կոտայքի մարզի Կոտայքի ճանշինի ծառայողները Նուռնուս գյուղի վարչական տարածքում պահպանում են վարորդների անվտանգությունը, որպեսզի մոտ 25 տոննա կշռով քարերին ավտոմեքենաների բախում տեղի չունենա:
Ժամը 17:50-ի սահմաններում Աբովյանի ԳԳՄ ահազանգ է ստացվել, որ քարաթափման հետևանքով վնասվել է Նուռնուս գյուղը սնուցող գազատար խողովակը, ինչի հետևանքով նաև սկսվել է գազի արտահոսք:
Օպերատիվորեն ժամանած Աբովյանի ԳԳՄ ծառայողները նախ դադարեցրել են գազամատակարարումը, իսկ այս պահին էլ Կոտայքի ճանշինի և Արտակարգ իրավիճակների նախարարության փրկարար ծառայության Կոտայքի մարզային փրկարարական վարչության օպերատիվ խումբը՝ խմբի պատասխանատու Գեղամ Ղազարյանի գլխավորությամբ, փորձում են միջոնցեր ձեռնարկել և մասամբ ճանապարհի եզրին հայտնված այդ մի քանի տոննա կշռով քարերը հեռացնել:
Ֆոտոլրագրողը հայտնում է, որ կա նաև վտանգ, որ այլ ապառաժ քարեր նույնպես հնարավոր է թափվեն, քանի որ տեղանքում այդ քարերը թուլացել և ընկել են անձևրաջրերի պատճառով:
Բարեբախտաբար, քարաթափման ժամանակ նշված վայրով ավտոմեքենաներ չեն անցնել և տուժածներ չկան: Այս պահին Աբովյանի ԳԳՄ-ն հենասյուներն է վերանորոգում:
