«Արի դուս, հլը». քաշքշուկ՝ Երևանի քաղաքապետարանում (Տեսանյութ)

«Արի դուս, հլը». քաշքշուկ՝ Երևանի քաղաքապետարանում (Տեսանյութ)

«Նիկոլ Փաշինյանը բոլորիս խաբել է, ասաց՝ առանց ժողովրդի կարծիքի չեմ գնա պայմանավորվածության, գիշերով գնաց պայմանավորվեց, կարող ա՞ ես եմ հայրենիքս տվել ուրիշին»,-Երևանի ավագանու նիստում հայտարարեց ԲՀԿ խմբակցության անդամ Արմեն Ներսիսյանը:

«Ո՞նց կարելի է ապրել մի ընտանիքում, որտեղ հայրը դավաճանել է իր երեխաներին և ընտանիքի անդամներին…. Ի՞նչ լավ բան է արել, որ պաշտպանում եք, ի՞նչ տեղ ունի պաշտպանելու»,-հավելեց նա:

Տեղից արձագանքեց «Լույս» խմբակցության անդամ Անի Խաչատրյանը. «Ձեր իդիոտը (նկատի ունի Վազգեն Մանուկյանին-խմբ) պաշտպանելու տեղ ունի՞, որ առաջադրել եք վարչապետի թեկնածու, հանել եք մեյդան, քաղաքական դիակին»:

Արմեն Ներսիսյանն էլ շարունակեց. «Իմ ճակատը պարզ է, ես հանգիստ եմ քնում, մնում է դուք ձեր երեխաներին պատասխան տաք ձեր արած սխալների համար»:

Տեղից ինչ-որ մեկը բան ասաց, որից հետո Արմեն Ներսիսյանը իջավ ամբոնից՝ շարժվելով դահլիճի կողմ: Ավագանու անդամները սկսեցին բղավել իրար վրա, քաշքշոց սկսվեց:

Տեսանյութը ստորև