Մամուլ

Տիգրան Արզաքանցյանին սպառնացե՞լ են․ «Առավոտ»

Տիգրան Արզաքանցյանին սպառնացե՞լ են

Aravot.am-ի տեղեկություններով, «Տիգրան Արզաքանցյան» բարեգործական հիմնադրամի հիմնադիր, նախկին պատգամավոր Տիգրան Արզաքանցյանը հուլիսի 29-ին հաղորդում է ներկայացրել ոստիկանության Գավառի բաժին այն մասին, որ իրեն սպառնացել են:

Տիգրան Արզաքանցյանի հասցեին սպառնալիքներ է հնչեցրել Ռուսաստանի Դաշնության Մոսկվա քաղաքում գտնվող Վիտալի Գրիգորյանցը` հեռախոսազրույցում: Գրիգորյանցը, մասնավորաբար, 2021 թ. հուլիսի 21-ին Տիգրան Արզաքանցյանի հետ ունեցած հեռախոսազրույցի ընթացքում ասել է, որ Տիգրան Արզաքանցյանին որպես թշնամի է ընդունում եւ պատժելու է նրան:

Տիգրան Արզաքանցյանը ոստիկանությանը ներկայացրած դիմումում գրել է, որ «ճանաչելով Գրիգորյանցին` նրա սպառնալիքները դիտարկում է որպես իր կյանքին սպառնացող իրական վտանգ»:

tigran arzaqancyan

Տիգրան Արզաքանցանի դիմումի առիթով ոստիկանությունում այժմ նյութեր են նախապատրաստվում:

Aravot.am-ը փորձեց պարզաբանում ստանալ, թե ինչո՞ւ է մոսկվաբնակ Վիտալի Գրիգորյանցը սպառնացել պատժել Տիգրան Արզաքանցյանին, ի՞նչ խնդիր կա, որը այդքան վախեցրել է վերջինիս, եւ նա որոշել է պաշտպանություն գտնել ոստիկանությունում:

«Հարցը քննվում է։ Նախաքննական գաղտնիությունից ելնելով մենք դա չենք մեկնաբանում»,- մեզ հետ զրույցում ասաց Տիգրան Արզաքանցյանի խոսնակ Տիգրան Հովհաննիսյանը։ Իսկ Տիգրան Արզաքանցյանն առայժմ չի արձագանքում հեռախոսազանգերին:

Կիսվել նյութով