Հանցագործներին հետախուզում է հայտարարել Գլենդելի ոստիկանությունը․ պրոդյուսերը՝ Սոս Կարապետյանի ծեծի ենթարկվելու մասին

Հանցագործներին հետախուզում է հայտարարել Գլենդելի ոստիկանությունը․ պրոդյուսերը՝ Սոս Կարապետյանի ծեծի ենթարկվելու մասին

Աններելի հանցագործություն է կատարվել Լոս Անջելեսում…. Այս մասին հայտարարություն է տարածել դերասան Սոս Կարապետյանի պրոդյուսեր Անուշ Պետրոսյանը:

«Մահափորձ է կատարվել սիրված և տաղանդավոր դերասան Սոս Կարապետյանի նկատմամբ, ինչն էլ մեծ աղմուկ է բարձրացրել Լոս Անջելեսում: Ըստ որոշ չճշտված լուրերի՝ համայնքի հայտնի և ունևոր անհատները հարյուր հազար դոլար գլխագին են առաջարկել հանցագործներին գտնելու և պատժելու համար:

Բացի այդ, տեղեկություններ կան, որ զինված խմբին հետախուզում է հայտարարել Լոս Անջելեսի և Գլենդելի ոստիկանությունը:

Համաձայն ԱՄՆ-ի օրենսդրության նման հանցագործությունը դատապարտվում է 15-ից 20 տարի ազատազրկմամբ:

Կդատապարտվեն ոչ միայն հանցագործություն կատարողները, այլ նաև պատվիրատուներն ու հանցանքի դրդողները, ատելության խոսք քարոզողները, որոնց անուններն արդեն շրջանառվում են և իրավապահ մարմինները համապատասխան աշխատանքներ են կատարում նրանց հայտաբերելու ու կալանավորելու հարցում:

Հնարավոր է, որ այս հասարակական լայն հնչեղության գործին միանա նաև Դաշնային Հետաքննության Բյուրոն՝ FBI»:

Նշենք, որ երեկ իր ավտոմեքենայում ծեծի էր ենթարկվել դերասան Սոս Կարապետյանը։