Փախած կալանավորին դեռ չեն գտել. ի՞նչ է կատարվում այս պահին

Ինչպես արդեն հայտնել էինք այսօր՝ հոկտեմբերի 26-ին, ժամը 15։00-ի սահմաններում, Արմավիրի մարզի առաջին ատյանի ընդհանուր իրավասության դատարանի Արմավիրի նստավայրից կալանավոր է փախել։

Ականատեսների փոխանցմամբ՝ դեպքի վայրում ոստիկանները խուճապահար գոռացել են՝ «Բռնե՛ք, փախա՛վ»։

Ականատեսների տեղեկություններով՝ տղամարդը փախուստի է դիմել դատարանի հետնամուտքից։

Նա պատիժը կրում էր Արմավիր քրեակատարողական հիմնարկում։

Դեպքից հետո Արմավիր քաղաքում ուժեղացված ծառայություն է իրականացվում։

Ոստիկանության աշխատակիցները ստուգումներ են անցկացնում, մասնավորապես՝ ստուգվում են տրանսպորտային միջոցները բոլոր ելքերի մոտ։

Տեսանյութը ստորև․