Գիտնականները «հակաքովիդային» ծամոն են ստեղծել
Գիտնականները «հակաքովիդային» ծամոն են ստեղծել
Փենսիլվանիայի համալսարանի գիտնականների խումբը մի շարք այլ գիտական կազմակերպությունների հետ համատեղ ստեղծել է ծամոն, որը թքի մեջ չեզոքացնում է կորոնավիրուսը։
Այս մասին գրում է Sputnik Արմենիան, հղում անելով տեղի համալսարանի կայքին։ Նախագծի ղեկավար, University of Pennsylvania հիմնարար գիտությունների ամբիոնի վարիչի տեղակալ, պրոֆեսոր Հենրի Դենիելի խոսքով` նման ծամոնը թույլ կտա նվազեցնել մարդուց մարդուն վարակը փոխանցելու հավանականությունը։
Ծամոնի հիմքում գենետիկ նորագույն տեխնոլոգիաների և կենսաբանական նյութի կիրառմամբ ստացված ACE2 սպիտակուցն է։ Փորձի ընթացքում գիտական խումբն աճեցրել է ACE2–ն և միացրել այն հատուկ բաղադրիչի հետ, որը թույլ է տալիս սպիտակուցին ներթափանցել լորձաթաղանթի միջոցով:
Փորձերը ցույց են տվել, որ հակավիրուսային ծամոնը կարողացել է կանխել օրգանիզմի բջիջների մեջ վիրուսի ներթափանցումը, իսկ կորոնավիրուսով վարակվածների թքի մեջ վիրուս պարունակող ՌՆԹ–ի մակարդակը կտրուկ իջել է։