Անթույլատրելի է դատական նիստերի դահլիճ մտնել ստրիպտիզ պարողի կոշիկներով
Անթույլատրելի է դատական նիստերի դահլիճ մտնել ստրիպտիզ պարողի կոշիկներով
Փաստաբան Մարինա Ֆարմանյանը գրել է.
«Փաստաբան և դատախազ այն կանանց, որոնք թաքուն և անձայն իրենք իրենց կճանաչեն իմ այս գրառման մեջ:
Անթույլատրելի է դատական նիստերի դահլիճ կամ պետական որևէ կառույց մտնել ստրիպտիզ պարողի կոշիկներով, մինչև գոտկատեղը բաց դեկոլտեով, ռաժոկով տաբատներով կամ կակադուի նման բազմերանգ փուլերով և գայթակղիչ հանդերձանքով:
Չենք ասում փարաջա հագեք, կնոջը միշտ գույներ են սազում, բայց ձեզ հաշիվ տվեք, թե՝ որտեղ եք գտնվում և ինչ տեսքով:
Դուք բեմում կանգնած արտիստ չեք, իրավաբան կինը հասարակության մեջ, գոնե իր աշխատանքային ժամին հատուկ կոչում ունի:
Ես ձեռնամուխ եմ լինելու, որ փաստաբանները սիրուն պատմուճան ունենան: Դատախազներին նույն խորհուրդն եմ տալիս:
Ուզում եք նեղացեք, ուզում եք լայնացեք: Ես ուղղախոս մարդ եմ: Անճաշակությունն էլ սահման ունի:
Շնորհավոր մեր միամսյակը»: