Մամուլ

Աղջկան համոզել են, որ չդիմի ծայրահեղ քայլի․ «Հաղթանակ» կամրջի վրա կանխել են 32-ամյա կնոջ ինքնասպանության փորձը

Աղջկան համոզել են, որ չդիմի ծայրահեղ քայլի․ «Հաղթանակ» կամրջի վրա կանխել են 32-ամյա կնոջ ինքնասպանության փորձը

Shamshyan.com-ը գրում է․ Այսօր՝ հոկտեմբերի 1-ին, արտակարգ դեպք է տեղի ունեցել Երևանում։

Ժամը 18։30-ի սահմաններում ՀՀ ոտիկանության Պարեկային ծառայության Երևանի գնդի 1-ին գումարտակի 3-րդ վաշտի պարեկներ Նորիկ Մանուկյանն ու Արամո Մարգարյանը նույն գումարտակի հրամանատար Արամ Դադոյանի կողմից տեղեկություն են ստանում, որ մի աղջիկ «Հաղթանակ» կամրջից փորձում է ինքնասպան լինել։

Ինչպես հայտնում է ֆոտոլրագրող Գագիկ Շամշյանը, նմանատիպ մեկ այլ ահազանգ էլ քաղաքացիների կողմից ստանում են Արտակարգ իրավիճակների նախարարության Փրկարար ծառայության 911 ճգնաժամային կառավարման կենտրոնում։

Անմիջապես՝ պարեկները, ովքեր ծառայություն կատարելիս են լինում Կենտրոն վարչական տարածքում, և ԱԻՆ ՓԾ թիվ 7 հրշեջ-փրկարարական ջոկատի փրկարարներն ու փրկարար-հոգեբանը օպերատիվորեն մոտենում են նշված վայր, որտեղ նկատում են այդ աղջկան։

haxtanak kamurj shtap ognutyun

Պարեկներին, փրկարարներին ու փրկարար-հոգեբանին հաջողվում է որոշ ժամանակ բանակցություններ վարել, ինչի շնորհիվ հնարավոր է լինում այդ աղջկան համոզել, որպեսզի չդիմի ծայրահեղ այդ քայլին, որից հետո պարեկները նրան ուղեկցում են ոստիկանության Կենտրոնական բաժին։

Գ․ Շամշյանի տեղեկություններով՝ ինքնասպանության փորձ կատարողը Երևանի բնակիչ 32-ամյա Մ․Կ․-ն է, ով այդ քայլին էր փորձում դիմել անձնական խնդիրներից ելնելով։ Դեպքի փաստով ոստիկանության Կենտրոնական բաժնում նյութեր են նախապատրաստվում։

Կիսվել նյութով