Հայ կնոջ ոտքին կրակած ադրբեջանցին ձերբակալվելիս քաղաքացիական հագուստով է եղել

Հայ կնոջ ոտքին կրակած ադրբեջանցին ձերբակալվելիս քաղաքացիական հագուստով է եղել։ Այս մասին NEWS.am–ին հայտնել է Շաքիի բնակիչներից մեկը։

«Կինը իր երեխաների հետ եկել է տուն, տեսել է տան դուռը բաց, մտել է, տեսել է, տվյալ անձը ներսում է, հարց ու փորձ, հարձակվել են իրար վրա, թուրքը կրակել է այդ աղջկա ոտքին։ Այդ աղջիկը վնասազերծել է, թուրքը հետո փախել է, գնացել է հարակից տան բակերից մեկում, բայց ի վիճակի չի եղել փախնի։

Հետո եկել բռնել տարել են։

Որ տանում էին, գրաժդանսկի հագուստով էր»,– ասել է բնակիչը։

Նրա խոսքով, ոչ ԱԱԾ–ն, ոչ ոստիկանությունը իրենց չի զգուշացրել, որ նման դեպք է եղել եւ պետք է զգույշ լինել։

Ինչպես արդեն հայտնել էինք, Սիսիանի Շաքի բնակավայր է ներթափանցել ադրբեջանցի, որը կրակել է ՀՀ քաղաքացու ուղղությամբ։

Տեղեկությունը հաստատել էր նաև Ազգային անվտանգության ծառայությունը (ԱԱԾ)։

Վնասվածք է ստացել 5 երեխաների մայր, նա փորձել է վնասազերծել ադրբեջանցուն, դանակով հարվածել է նրան, որից հետո հակառակորդը կրակել է կնոջ ուղղությամբ եւ դիմել փախուստի։

Կինն էլ ահազանգել է ոստիկանություն եւ շտապ օգնություն։

Տեսանյութը ստորև․