Ավտոբուսը հակառակ ուղղությամբ վարող վարորդին հեռացրեցին աշխատանքից

Երեկ համացանցում մի տեսանյութ էր տարածվել, որտեղ երևում էր, թե ինչպես է վարորդը ճանապարհային երթևեկության կանոնների կոպիտ խախտում կատարում՝ ավտոբուսը Սարալանջի միակողմանի երթևեկության համար նախատեսված ճանապարհով հակառակ ուղղությամբ վարելով։

Տեսանյութը հրապարակել էր ֆեյսբուքի օգտատերերից մեկն ու ճանապարհային ոստիկանության ուշադրությունը հրավիրել խախտման վրա։

Այդ վարորդը «Երևանի ավտոբուս» ՓԲԸ-ի տնօրենի հրամանով հեռացվել է աշխատանքից։