Մամուլ

Զապիի և Օշականցի Գևորիկի խափանման միջոցը հրապարակվեց

Դատարանի որոշմամբ քիչ առաջ ազատ արձակվեցին «օրենքով գող» Անդրանիկ Սողոյանը՝ հայտնի ԶԱՊ մականունով, և Գևորգ Մելիքյանը՝ «Օշականցի Գևորիկը»։

Նրանք դատարանի դահլիճից դուրս եկան՝ իրենց նկատմամբ կիրառված խափանման միջոցի փոփոխությունից հետո։

Դատարանը երկուսի նկատմամբ էլ տնային կալանք է սահմանել։

Հիշեցնենք, որ Անդրանիկ Սողոյանը՝ ԶԱՊ-ը, և Գևորգ Մելիքյանը՝ Օշականցի Գևորիկը, ձերբակալվել էին սեպտեմբերի 23-ին՝ Երևանի բժշկական կենտրոններից մեկում տեղի ունեցած միջադեպի գործով։

Ըստ Քննչական կոմիտեի՝ Սողոյանը, տեղեկանալով, որ իր նախկին փեսան թոռանը տեսակցելու հարցի շուրջ վիճաբանել է դստեր և բժշկական անձնակազմի հետ, դիմել է Գևորգ Մելիքյանին՝ մասնավոր վեճը լուծելու համար։

Վերջինս մի խումբ անձանց հետ այցելել է բժշկական կենտրոն, որտեղ վիճաբանություն է տեղի ունեցել նախկին փեսայի և նրան ուղեկցող անձանց հետ։

Նրանց նկատմամբ հանրային քրեական հետապնդում էր հարուցվել, և որպես խափանման միջոց ընտրվել էր երկամսյա կալանքը։

Քննչական կոմիտեի փոխանցմամբ՝ Սողոյանին և Մելիքյանին մեղադրանք է առաջադրվել նաև քրեական աստիճանակարգության բարձրագույն կարգավիճակ պահպանելու, իսկ Մելիքյանին՝ նաև մի խումբ անձանց կողմից խուլիգանություն կատարելու համար։

Կիսվեք ձեր էջում