Բացառիկ կադրեր՝ Ֆլորիդայում կործանված ինքնաթիռի վթարի պահից

Բացառիկ կադրեր են հրապարակվել Ֆլորիդայում կործանված ինքնաթիռի վթարի պահից։

Ավելի վաղ հայտնել էինք, որ Ֆլորիդայի Փալմ Բիչ շրջանի բնակելի թաղամասում կործանվել է մասնավոր Learjet 60 բիզնես ինքնաթիռը, որում ինը մարդ է եղել։ Ինքնաթիռն ընկել է Գրինեյքերս քաղաքի տարածքում կիրակի՝ նոյեմբերի 1-ին, ինչից հետո ուժեղ հրդեհ է բռնկվել, հայտնում է Associated Press-ը։

ԱՄՆ քաղաքացիական ավիացիայի դաշնային վարչության (FAA) տվյալներով, ինքնաթիռը մեկնել էր Տեխասի Օսթին-Բերգսթրոմ միջազգային օդանավակայանից և ուղևորվում էր Բահամյան կղզիներ։ Ընկնելուց հետո օդանավը բռնկվել է, իսկ դեպքի վայրում խառնարան է առաջացել։

Ականատեսները տեսագրել են թանձր սև ծուխն ու այրվող բեկորները։ Ինչպես հայտնում է Associated Press-ը, ավիավթարի հանգամանքները պարզվում են։ Հրապարակման պահին գործակալությունը հաստատված տեղեկություններ չուներ ողջ մնացածների և գետնի վրա տուժածների մասին։ FAA-ն և ԱՄՆ տրանսպորտի անվտանգության ազգային խորհուրդը (NTSB) հետաքննում են պատահարը։

Գերատեսչությունները դեռ չեն պարզել կործանման պատճառը։ BNO News գործակալության տվյալներով, օդանավում գտնվող բոլոր 9 մարդիկ զոհվել են։

​Տեսանյութը՝ ստորև․