16-ամյա աղջիկը ատրակցիոնից ընկել է
Յակուտսկում հետաքննություն է իրականացվում քաղաքային այգու ատրակցիոնից 16-ամյա աղջկա ընկնելու դեպքի առնչությամբ։ Այս մասին հայտնել է Յակուտիայի դատախազությունը։
Դեպքը տեղի է ունեցել ամռան վերջին՝ Յակուտսկի մշակույթի և հանգստի կենտրոնական այգում։ 2010 թվականին ծնված աղջիկը վնասվածքներ է ստացել՝ «Զիգ-Զագ» ատրակցիոնից ընկնելու հետևանքով։ Նա կոտրել է ձեռքն ու ոտքը։
Դեպքի առնչությամբ իրականացված ստուգմամբ պարզվել է, որ ատրակցիոնի շարժման ընթացքում աղջիկը չի ամրացվել նախատեսված անվտանգության սարքով։
Քննությամբ պարզվել է նաև, որ այցելուներին ատրակցիոնում տեղավորել է 2016 թվականին ծնված դեռահասը, որը պաշտոնապես աշխատանքի ընդունված չի եղել։ Դրա հետևանքով ատրակցիոնի սեփականատերը ենթարկվել է վարչական պատասխանատվության։
Դատախազության աշխատակիցները պարզել են նաև, որ այգու ատրակցիոնների շահագործման և սպասարկման հիմնական կանոնները բացակայել են։ Ստուգմամբ հայտնաբերվել են նաև այլ խախտումներ։
Դեպքի առթիվ հարուցվել է քրեական գործ՝ անվտանգության պահանջներին չհամապատասխանող ծառայություններ մատուցելու հատկանիշներով։ Քննության շրջանակում պարզվում են դեպքի բոլոր հանգամանքները։
