«Հիասթափվել եմ` բացահայտելով գործընկերներիցս շատերի դեմքերը»․ Սոնա Շահգելդյան
Life.tert.am-ն այս անգամ ներկայացնում է երգչուհի Սոնա Շահգելդյանին։ Սոնան կարծում է՝ իրեն մյուսներից կարելի է տարբերել անկեղծության մեծ չափաբաժնի շնորհիվ: Միշտ ասում է այն, ինչ մտածում է: Երգչուհին խոստովանեց, որ հասցրել է հիասթափվել՝ բացահայտելով գործընկերներից շատերի դեմքերը:
-Ո՞րն է Ձեր բնավորության ամենաբնութագրական գիծը։
-Կարծում եմ՝ անկեղծությունը: Այն հոգու հայելին է, շատ լավ զգացվում է՝ ով է իրականում անկեղծ, ով՝ ոչ: Ամեն մարդու մեջ չէ, որ դա կա, այդպիսին ծնվում են: Ես շատ եմ նշել անկեղծություն բառը, ինձնից լսելով՝ շատ մարդիկ, լավ իմաստով, հասկացան այդ բառի նշանակությունն ու սկսեցին կիրառել այն:
-Ո՞րն եք համարում Ձեր ամենամեծ թերությունը, որը, հնարավորության դեպքում, կուզեիք շտկել կամ վերացնել։
-Ամբողջ հոգով ու սրտով մարդկանց նվիրվելը: Թեև աստիճանաբար ուղղվում եմ, արդեն որպես ընկեր ընտրում եմ այն մարդկանց, ովքեր ինձ համապատասխան են: Ավելի լավ է լինեն քիչ թվով, բայց լավ որակով մարդիկ:
Տարիների ընթացքում շատ բան եմ հասկացել, հասցրել եմ բացահայտել շատ մարդկանց իրական դեմքը թե՛ իմ բնագավառից, թե՛ առհասարակ: Իմ մեծ առավելությունն եմ համարում այն, որ կարողանում եմ դիմացինին ասել այն, ինչ մտածում եմ: Շատ մարդկանց դա չի հաջողվում:
-Կա՞ մի բան, ինչից վախենում եք, անհաղթահարելի համարո՞ւմ եք այդ վախը։
-Իհարկե, վախեր բոլորս էլ ունենում ենք, բայց տարիքի հետ դրանք հաղթահարելը հեշտ է դառնում: Ինչ-որ բան կդժվարանամ առանձնացնել:
-Ի՞նչ հատկությամբ կուզեիք օժտված լինել։
-Օժտված եմ մեծ տաղանդով՝ լավ մարդ լինելով: Ես կուզեի շատ մարդկանց մոտ լիներ բարություն, ազնվություն: Դա բացակայում է ոչ միայն Հայաստանում, այլև ամբողջ աշխարհում:
-Որևէ գերբնական կարողությամբ կուզեի՞ք օժտված լինել։
-Չէ: Իմ կարծիքով, գուցե, արդեն գերբնական ուժով օժտվել եմ Աստծո կողմից: Նա ինձ տվել է երգելու տաղանդը: Ընդհանրապես, ես ունեմ կանխազգալու կարողություն. Հաճախ մայրս, ընկերներս ինձ ասում են՝ կարծես գուշակ լինես:
-Ի՞նչն է Ձեզ ամենից շատ բարկացնում հասարակության, մարդկանց մեջ։
-Նախանձը, չար լինելը, ինչպես նաև ձևականությունն ու օտարամոլությունը: Քաղքենի մտածողությունն էլ կուզեի վերացնել մարդկանց միջից:
Շարունակությունը կարող եք կարդալ այստեղ
