Շոու-բիզնես

«Հայաստան գալն ինձ համար երազանք էր». Տապասիայի, Իչայի, Չակորի և մյուս հերոսների դերակատարները ժամանեցին Երևան (ֆոտո)

«Հայաստան գալն ինձ համար երազանք էր». Տապասիայի, Իչայի և մյուս հերոսների դերակատարները ժամանեցին Երևան։ Երկրպագուներն օդանավակայանում անհամբեր սպասում էին հնդիկ դերասանների Երևան ժամանելուն՝ քննարկելով, թե ով ինչպես է լուսանկարվելու և ինչ գիտի սիրելի աստղի մասին:

Tert.am Life-ը օդանավակայանում լուսանկարել ու զրուցել է հնդիկ դերասանների հետ:

«Մերժվածը» հեռուստասերիալում Իչայի դերակատար Թինա Դատտան առաջին անգամ է Հայաստանում։ Հարցին, թե ի՞նչ գիտի Հայաստանի ու հայերի մասին, նա ասաց. «Կարծում եմ, որ իմ երկրպագուներն այստեղ շատ են և նկատեցի, որ նրանք եկել են իմ լուսանկարով շապիկներ հագած: Ես իսկապես անչափ ուրախ եմ այստեղ տեսնել իմ հայ լսարանի երկրպագուներին: Գիտեմ, որ հայերը շատ բարի են, դա էլ է այն պատճառներից մեկը, որ ես այսօր Հայաստանում եմ»:

Տապասիայի դերակատար Ռաշամի Դեսային ևս առաջին անգամ է Հայաստանում։ Նրա խոսքով՝ շատ բան է ուզում հասցնել անել:

Հնդիկ Դերասաններ

«Շատ եմ լսել Հայաստանի մասին և գիտեմ, որ շատ հյուրընկալ ժողովուրդ եք: Քիչ առաջ եմ իջել, դեռ չգիտեմ հայերեն բառեր, բայց կասեմ «Բարև»»,- չնայած հոգնածությանը՝ ժպտալով ասաց դերասանուհին:

Վերջինս Հայաստանի մասին առաջին անգամ լսել է Հնդկաստանում, երբ Վարդան Սարգսյանն իրենց մասին հաղորդում էր պատրաստում. «Վերջապես Հայաստանում եմ: Հույս ունեմ, որ բոլորդ ներկա կլինեք վաղը կայանալիք համերգին և բոլորով անմոռանալի ժամանակ կանցկացնենք»։

Հնդիկ Դերասաններ

Հարցին՝ նախկինում կպատկերացնե՞ր, որ հայտնի կլինի Հայաստանում, նա պատասխանեց. «Ես երբեք չէի պատկերացնի, որ Հայաստանում այսքան շատ երկրպագու ունեմ, իհարկե, Հայաստան գալն ինձ համար երազանք էր: Շնորհակալ եմ որ բոլորդ այստեղ եք, շնորհակալ եմ նաև նվերների համար»: Երկրպագուները դերասաններին ուղեկցեցին մինչև ավտոմեքենա:

Հնդիկ Դերասաններ

Հայաստան են ժամանել նաև Սպանդան Չատուրվեդիին (Չակոր), Գաուրավ Չոպրային, Վիջաենդրա Կումերիային, Մրունալ Ջայինին: Նրանք հայ հանդիսատեսի համար ելույթ կունենան վաղը՝ հուլիսի 4-ին:

Հնդիկ Դերասաններ

Աղբյուր՝ tert.am

Կիսվել նյութով