Կոմունարկայի գլխավոր բժիշկը, որի հետ օրեր առաջ հանդիպել էր Պուտինը, վարակվել է կորոնավիրուսով. Ռիա Նովստի
Կոմունարկայի գլխավոր բժիշկը, որի հետ օրեր առաջ հանդիպել էր Պուտինը, վարակվել է կորոնավիրուսով
Մոսկվայի քաղաքային կլինիկական հիվանդանոցի գլխավոր բժիշկ Դենիս Պրոցենկոյի մոտ կորոնավիրուս է ախտորոշվել: Այս մասին հայտնում է РИА Новости-ն:
«Հարգելի ընկերներ, շատ հուզված եմ ձեր մտահոգությունից: Այո, ես ունեմ դրական կորոնավիրուսի թեստ, բայց ինձ շատ լավ եմ զգում: Մեկուսացված եմ իմ աշխատասենյակում, որտեղ կան բոլոր պայմանները հեռավոր աշխատանքի, կառավարման և հեռաբժշկական խորհրդատվությունների համար», – գրել է բժիշկը իր ֆեյսբուքյան էջում
Աղբյուրի փոխանցմամբ անցյալ շաբաթ Կոմունարկա շրջանում գտնվող հիվանդանոց էր այցելել է ՌԴ նախագահ Վլադիմիր Պուտինը և շփվել ինչպես գլխավոր բժշկի, այնպես էլ անձնակազմի հետ:
ՌԴ ղեկավարի մամլո քարտուղար Դմիտրի Պեսկովը հավաստիացրել է, որ նախագահի հետ ամեն ինչ կարգին է, նա կանոնավոր կերպով կորոնավիրուսի թեստ է հանձնում:
