Մամուլ

«Կհարգեք` ձեզ կհարգեն, չեք հարգի` հարգանքի չեք արժանանա երբեք»․ Անի Սամսոնյան

«Կհարգեք` ձեզ կհարգեն, չեք հարգի` հարգանքի չեք արժանանա երբեք»․ Անի Սամսոնյան

ԱԺ «Լուսավոր Հայաստան» խմբակցության պատգամավոր Անի Սամսոնյանը ֆեյսբուքյան իր էջում գրել է՝

«Կան մարդիկ, ովքեր ինտրիգային և սկանդալային հրավառություններ անելու նպատակով պատրաստ են հարձակվել պետության արժեքների կամ ինստիտուտների վրա:

Մաքիավելիի` «Նպատակը արդարացնում է միջոցը» հայտնի համոզմունքը և համընդհանուր ատելության մթնոլորտը ոմանց իրավունք է տալիս կեղտոտ մեթոդներով քարոզչություն իրականացնել իրենց քաղաքական հակառակորդների կամ պաշտոնյաների նկատմամբ:

Այն ինչ, այսօր կատարվում է ՀՀ նախագահի և նրա ընտանիքի նկատմամբ առնվազն ստոր և հանրային պարսավանքի արժանի քարոզչություն է:

Չեք հարգում ձեր հակառակորդներին, հարգե´ք այս պետությունը և նրա ինստիտուտները: Հակառակ դեպքում` չխոսեք պետությունից և բարոյական արժեքներից:

Ատելությունը և սև քարոզչությունը բումերանգ են: Անպայման վերադառնալու են և ցավեցնեն ոչ միայն ձեզ, այլ նաև ձեր ընտանքիներին:

Կհարգեք` ձեզ կհարգեն, չեք հարգի` հարգանքի չեք արժանանա երբեք»:

Կիսվել նյութով